عڞۄمڜٳڒک
عدد المساهمات : 201
تاريخ الميلاد : 02/01/1979
تاريخ التسجيل : 29/08/2010
 | | موضوع: عرس عرابجه لايفوتكم الأحد سبتمبر 19, 2010 3:15 pm | |
| عرابجة لا يفوتكم 000
في أحد فيكم قد حضر عرس عرابجة 00 تعالوا نشووف دحيم المصرقع وش سواا
المواصفات :
الاسم / دحيم الدلخ
العمر / منولد في سنة الطفره
الشكل / قزم ودب واقرع و وجهه كله خدود ومافيه عيون
باختصار يحوم الكبد
الولد دحيم داشر 24 سااعه مشاكل وتفحيط وخرابيط
المهم ابوه قرر انه يزوجه يمكن يعقل الولد !!!! <<<< والله مافيه امل
ويقوم يخطب له ابوه بنت عمه حصه !!!
عاد حصه خبله مثله <<<<< يلعن ام الفله وافق شنن طبقه
المهم يوم جاء العرس ولا دحيم طالع مع اخوياه لثمامه يطعسون وابوه يدق عليه
الاب: الووو دحيم وينك؟
دحيم : هلا والله طالع مع الشباب لثمامه
الاب: جعل تطلع روحك بلا تعال اليوم عرسك !!
دحيم : طيب العرس في اليل يمديني ارجع المغرب
الاب: اقول امش جعلي امشي العصى على ظهرك
دحيم : طيب خلاص جاي
ويقفل التلفون
المهم ويجي دحيم ويلبسونه الخبل ناوي يروح بقميص نوم
المهم ويمسكونه اخوانه ويلبسونه ويودونه للقصر
>>>>>>> دحيم الى هالحين ما يدري وش السالفه يبي يخلص بسرعه عشان يلحق على العيال في الاستراحه يلعب بلوت
ويدخلون القصر ويجلسونه في المنصه وهو يقول ابي اروح اجلس عند القهوجيه ابي اتكي معهم واشرب شاهي ( والله منسم مررره)
ويلقطه اخوه ويجلسه على الكرسي
ويجونه الناس يسلمون
المعازيم : مبرووك منك المال ومنها العيال
دحيم : هلا ايه طيب يكون خير والله ما عندي ولا فلس
قايل لكم موب وجه زواج)
المهم ويدخلونه على الحريم 00 يوم دخل 00 وهو الي يفتح كشرته ( ابتسامه عريضه)
ويناظر في ذا البنيات
المهم يوم طقو الطقاقات الا وهو يطمر ويرقص سامري
ويسحبه ابوه ويقول اركد لا تفشلنا!!!!
المهم ويجلسه على الكرسي
وتجي وحده ترقص عنده وهو الي يضحك عليها ويقول اوووووه ما تعرفين ترقصين يا الدبه
وانواع الاستهبال المشكله الي ترقص امه مسكينه تبي تفرح به ما درت انه ما يستاهل
المهم ويقومون البنيات يرقصون عنده وهو يناظر يقول عاشوا والله عاشوا
الا وابوه يصفقه على جبهته
دحيم :طيب خلاص ابنطم
المهم يوم خلصوا وهو ياخذ العروس ويركبون السياره
المهم ما درا الا تقوم حصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟
ملينا من ذا الطقاقات ازعجوني
الا وهو ينبسط على حرمته خبله مثله
المهم وتقول له 00 حصيصه : دحيم ابسالك سؤال؟ دحيم: اسالي !!!!
حصيصه : انت الحين تعرف تفحط ؟؟؟
دحيم : اكيد انا احسن واحد يفحط ( مسوي فنان عندها وهو ما عنده ما عند جدتي)
حصيصه : والله ورني ابي اشوفك تفحط 00 دحيم ( توهق)
دحيم : خليها بعدين موب اليوم ( يبي يصرف)
حصيصه : افا شكلك ما تعرف هههههههههههاي <<<< والله زاحفه البنت
دحيم : اوريك من الي ما يعرف 00
وهو الي يلف هذيك الفه وطراااااخ في الماصوره على طول
والحين حصيصه ودحيم في الشميسي الدور الاول غرفه 302 ,,
الله
يشافيهم  الموضوع الأصلي : عرس عرابجه لايفوتكم المصدر : منتدى هواميركول الكاتب: **((سفير الصمت))** |
|
عڞۄڄډیډ
عدد المساهمات : 84
تاريخ التسجيل : 23/08/2010
الموقع : منسـدحه بالصـاله
| | موضوع: رد: عرس عرابجه لايفوتكم الأحد سبتمبر 19, 2010 6:41 pm | |
| خخخخخخخخخخخخخخخخخخخخخخخ
يسلمووو اخووي :lol!: الموضوع الأصلي : عرس عرابجه لايفوتكم المصدر : منتدى هواميركول الكاتب: أمـيره الغـرامـ |
|
عڞۄمڜٳڒک
عدد المساهمات : 111
تاريخ الميلاد : 03/02/1979
تاريخ التسجيل : 25/08/2010
| | موضوع: رد: عرس عرابجه لايفوتكم الإثنين سبتمبر 20, 2010 8:42 am | |
| والله انه خطير دحيم اما حصيصه لاتعليق والزواج اخطر واخطر هههههههه مشكور اخوي على الزواج الرائع خخخخ تقبل مرور اختك دلوعه الموضوع الأصلي : عرس عرابجه لايفوتكم المصدر : منتدى هواميركول الكاتب: دلوعه وكلمتها مرفوعه |
|
