ها الموضــوع عن سواالف البنات ف الطاابور الصبــآحي

وان شــآءالله يناال على اعجابكم ......

وهذــآ هو الحوار :

سوالف البنات في الطابور


البداية مع التفتيش :



 ليش مريولج مديله كنه فستان عرس ؟

أبله هذا ستايلي ..



 ليش حاطة عدسات زرق ؟
أبلة عيوني هاي .. امي اوروبية .



 ليش كل هذا الكحل ؟

أبلة عيوني كحلية طبيعيا .. .



ليش المناكير ؟

أبلة هذا حنا سوداني مو مناكير .



 ليش ما ترددي تحية العلم ؟

أبلة حلجي يعورني . >> ههههه ومن الصوب الثاني صوتها و سوالفها واصل لآخر صف ...



ليش تسولفي بدل ما تستفيدي من الإذاعة ؟

أبلة مو انا بس كل الصف ..وبعدين الإذاعة مكررة هي وفقرة هل تعلم السخيفة


ليش كل هذا المكياج ؟
أبلة امس كان عرس ولد عمي للفجر .ومالقيت وقت عشان أشيله ....!!



و طبعا في بنت رقيقة تصيح .. وفي بنت دفشة بكرة تيب القبيلة كلها تشتكي .هههههههههههههه



نمر للبنات اللي مبققات عيونهم على الأبلات ...
 وين أبله سيتوبلازم ؟واقفة جنب العمود

أكيد غايبة اوكي الحصة الأولى فاضيين . يا سلااااااام



وين أبله"قد اعذر من انذر ؟ هذي عندها مناعة طبيعية ماتمرض عشان تغيب هي و ربيعتها نو بودي...


 وين أبله الحجم العائلي ؟ اوف بعد ياية .. لا وتشوف علي كنه شافها ملك الموت " عزرائيل " اليوم قولو آمين


 شوفوا معلمة عطيات تنورتها طررر .. خيالية.. آخر موضة .....من وين اشترتها ؟





والحين قبل لا نخلص نشوف سوالف الدلوعات :
 أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة .
 تدرين مع منو سولفت أمس بالشات ؟
مع واحد وحاط صورته ياربي يذوب ... شعره اشقر و عيونه خضرا .



ونخلص بالبنات اللي اختصاصهم الحش :


 شفتي فلانة امس فاتحة شعرها كنه خرطوم حريق.


 ولا علانة اللي كانت عايشة في ماليزيا اليوم يايه بقميص صوف والحراره 40 درجة غبية وحدة .
 ولا مجموعة شغالات الصف " هذيلا اللي يلمن الدفاتر و ييبن المسجل أو اللوحة للأبلة " الصبح لقيتهن ينظفن السبورة .. والله ينرحمن .


خخخخخخخخخخخخخخ
تحياتي