الساحره ليلاً .. على شانك هناك !! ياسحرها في أوّل وآخر الليل !! ياعطرها والعطر ياما تمنّاك يانورها لو عاتبتْك القناديل !! صرت ألمحك منّا ومنّا ومنّاك من وين مالدّيت ياسيّد الجيل !! أنا وقلبي من زمان أمتحنّاك تقول كنّا ياحبيبي : مهابيل !! أمّا تجي والا خذيته وجيناك الحب مايحييه غير المواصيل ياما على شمع القصيد أنتظرناك والشوق له بين المحاني تراتيل !! أنا كتبتك حب والقلب غنّاك والشمعدان يموّل أعذب مواويل !! آسف إذا في يوم حنّا خذلناك والله ذبحني البُعد والخوف والويل !! جيتك من حدود الغلا مد يمناك مُتعب ولافيني بعد غيبتك حيل !! لو قلتلك أنا وقلبي : نسيناك والا : نحب غيرك / ترى : كذبة أبريل !! حنا فداك وكلّنا لاعدمناك رغم العتب والشك والقال والقيل !!
الرئيسية 
